EL BUTIELLU, DENDE EL BIERCIU A LA TUA MESA NUN CLIC

 

Que la llionesa comarca d'El Bierciu ye muito más que botiellu está craro. La sua gastronomía vai acullá, la diversa paisaxística d'esta rexón natural ye tan espectacular que difícilmente una fotografía puede face-ye xusticia y l'amabilidá y hospitalidá de los sous ciudadanos faz que naide nun se sienta foresteiru eiquí. Pero tampouco nun nos engañemos, si El Bierciu ye nacional y internacionalmente conocíu pol sou botiellu... tien que ser por dalgo. Y ye que la calidá y sabor únicos d'esti productu (que nun ye exclusivamente bercianu pero el d'El Bierciu... ye'l d'El Bierciu) llevanta pasiones entre propios y extraños, feitu que-ye permitíu disponer d'Indicación Xeográfica Protexida propia.

¿QUÉ YE'L BUTIELLU?

¿Pero realmente qué ye? ¿Por qué ye tan especial? ¿A qué se debe'l sou sabor únicu? Trátase d'un elaboráu cárnicu a base de diferentes partes del gochu cumo'l rabu, costiella ou güesos ensin escarnar, todo ello escuartáu y adobáu con sal, pementón y ayu pal sou posterior embutíu y sometimientu a una riestra de procesos de semicuráu, afumáu y secáu.

El consumu d'esti prestosu productu suel realizase tradicionalmente tres la sua cocción, acompañándose davezu con outras carnes cumo chourizu, morru ou oreya de gochu, amás de berza y en dalgunos casos inclusive garbanzos.

UN POUCO D'HISTORIA

Dica l'antigua Roma tenemos que nos trasladar p'acolumbrar los orixes d'esti manxar pueis d'ende xurde'l sou propiu nome no términu del llatín botellus (embutíu, salchicha) hasta evolucionar nas diversas llenguas romance de la comarca en botillo (castellanu), botelo (gallegu) ou butiellu (llionés); siendo, según dalgunas teorías, los propios romanos que chegoron a tierras bercianas a la busca d'ouru los primeiros consumidores del mesmu, legando esta delicia a lo llargo de los sieglos hasta güei y quedando tamién impresa en documentación medieval de diversos monesterios de la redolada na que consta'l pagu n'especie a traviés d'ella.

TODO ESO ESTÁ MUI BIEN, PERO LO QUE QUIERO YE COMELU ¿CÚMO LU PREPARO?

Pueis el primer pasu y el más fundamental ye mercalu, y pa eso ya nos tienes a nós, numás fai clic eiquí y unviámostelu a casa. Y una vez recibíu (la sua conservación, por favor, en llugar frescu y secu) ¡a cocinalu! Más senciello imposible, desplicámoste:

Lo más habitual ye acompañalu de chourizu frescu (tamién te lo unviamos nós), berza y pataca. Asina qu'en primer llugar pondrémoslu a cocer a fuegu lentu durante unas dúas horas. Cuando acontine una hora y cuartu, incorporaremos la berza y, pa cabu, cuando falten treinta minutos, el restu: pataca y chourizu. Nun faz falta ser inxenieiru, ¿acuéi? Pueis eso nun ye lo meyor de todo, lo meyor chega cuando lu abras, aspires el sou arume y, darréu, te lu lleves a la boca, ¡sabe a Bierciu!

Puoco más que dicir sacante que repetirás, prometío.

Quedemos ensin San Froilán, pero...

L'anuncia, por más esperada que fuera, nun deixa de ser un duru golpe: El Conceyu de Llión suspende tódolos actos de San Froilán. Una midida tan doliosa cumo sensata pa contribuir a amenorgar el triste aumentu de contaxos por COVID-19 que se diou nos últimos días na provincia.

Pondones desfilando pola Calle Ancha (Llión)

Onque podía ser previsible, los llionéses garrábamonos con optimismu a la posibilidá de que finalmente la nuesa fiesta más esperada y tradicional pudiera llevase a cabu onque fuera baixo mínimos, amenorgando y controlando'l númaru d'actividades y asistentes a las mesmas despuéis de que'l propiu alcalde de la ciudá mostrara esi afán apoucayá, mas nun pudo ser. Y ye que perdemos demasiadas cousas que convertían a Llión nestos días nun auténticu formigueiru de xente: el tradicional Desfile de Pondones y Carros Engalanaos polas calles de la nuesa ciudá, la histórica Ceremonia de las Cantaderas, el visitadísimu Mercáu de las Trés Culturas, un Festival Celta Internacional Reinu de Llión no que cada añu nos deleitamos tanto con grupos ya consagraos cumo con aquellas novedades que vienen pegando bien fuerte nesti xéneru musical ou l'incesante son de música tradicional (gaita, dulzaina, pandereta, tambor…) por cada requeixu de l'antigua Legio VII. Pero echaremos en falta sobremanera la visita de toda esa xente de fuera de la nuesa provincia que chega nestos días cono sou contaxosu entusiasmu tanto pa engayolase cona ufierta cultural y gastronómica cumo pa recordanos lo arguyosos qu'hemos estar de pertenecer a esta tierra.

Banda de Gaitas Ciudá de Llión actuando en San Froilán

En definitiva, que nos amuela muito que si sos de fuera nun puedas venir a venos y celebrar con nós estos días tan prestosos, pero ello nun significa que nun podamos achegate todu'l sabor d'estos días a la tua casa dende la nuesa tienda online. Nella podrás adquirir todos y cadagunu de los manxares más característicos d'estas fechas. Y ye que ¿a qué sabe Llión en San Froilán? Llión sabe a morciella, a chourizo frescu cocíu ou a la plancha, a pratos chenos d'embutíu au nun falta la cecina, el xamón, el queiso, el llombu, el chourizu ou'l salchichón. Un estoupíu de sensaciones no paladar que nun deixan de ser outru de los puntos fuertes polos que Llión se chena de visitantes nestos días.

La morciella de Llión, pratu estrella nas fiestas de San Froilán.

Cruciaremos los deos pa que'l próximu añu podamos volver a celebrar con normalidá las fiestas llionesas más esperadas, dica entós, cuenta con nós pa celebralas al tou xeitu, no tou llar y conos tous.

¿Y qué facemos en branu?

Un par d'entradas atrás, comentábamos qu'el ditu popular sobro'l clima en Llión reza: nueve meses d'iviernu y trés d'infiernu. Pueis bien, chegoron los meses de la segunda parte. Si dalgo caracteriza a la nuesa provincia en branu, ye l'éxodu de los llioneses residentes na ciudá al puebru que deixa desierta la capital, porque los llioneses somos de puebru, y dicímoslo con mui bien d'arguyu.

La grandísima reserva d'acuiferos que caracteriza a la nuesa provincia fizo xurdir a lo llargo de los años cientos d'asentamientos humanos qu'anguaño son los puebros qu'axeitan la nuesa provincia, con una distancia entre ellos de malpenas dous quilómetros y nos que ye raro que nun pase un ríu ou un regatu, llugar ideal xunto al que refrescase nestas fechas y echar la tardiquina ou apigazar.

Volver al puebru en branu ye una tradición arraigonada que, seique, enxamás nun dexará de caracterizar a esta estación, un momentu ideal p'alcontrase outra vuelta cona paz, formosos paisaxes, amigos, recordanzas de cuando nenos, con milentamil vivencias; sicasí, parez qu'estas temperaturas por cima de los 25 graos nun tienen muita relación conas abondosas comidas que caracterizan a la nuesa tierra, ¿acuéi? Del elevadísimu conteníu calóricu  propiu de l'alimentación tradicional de los llioneses falaremos cuando amenorguen un pouco las temperaturas porque bastante tienen que ver con ello onque non exclusivamente, agora lo que touca ye engayolase, estar conos nuesos y disfrutar del branu; sobremanera al atapecer, cuando en Llión esi "iviernu" que ye esta estación da un instante y escomencipia a correr dalgo de brisina.

Una buena opción pa los que somos mui fartones ye la barbacoa, por ello, en La Tienda Online de León entamemos pa vós cuatro lotes con productos llioneses gourmet y axeitaos pa toda fardela: Babycoa, Meriendina, Panzada y Carnamorados, todos ellos pensaos pa que nas vuesas tardes-nueites sepan a groria. En cadagunu nun faltan delicatessen llionesas cumo chourizu frescu, criollu, pinchos morunos, morciella Morvega, las prestosas hamburguesas de La Alacena de San Antonio ou'l chuletón de xata de la meyor calidá. Ou si lo que quieres ye refrescate d'un xeitu saludable, eicha un güeyu a los nuesos deliciosos lácteos esfrecíos cumo batíos, kéfir o yogures de primer calidá.

El branu pasa que vuela, disfrutái d'estos trés meses d'infiernu, que lluegu chegan los nueve llargos d'iviernu, d'ellos tamién tendremos muito que contar...