Menu superior

lunes, 27 de julio de 2020

¿Y qué facemos en branu?

Un par d'entradas atrás, comentábamos qu'el ditu popular sobro'l clima en Llión reza: nueve meses d'iviernu y trés d'infiernu. Pueis bien, chegoron los meses de la segunda parte. Si dalgo caracteriza a la nuesa provincia en branu, ye l'éxodu de los llioneses residentes na ciudá al puebru que deixa desierta la capital, porque los llioneses somos de puebru, y dicímoslo con mui bien d'arguyu.

Muestra la Catedral de León (España) una tarde de verano


La grandísima reserva d'acuiferos que caracteriza a la nuesa provincia fizo xurdir a lo llargo de los años cientos d'asentamientos humanos qu'anguaño son los puebros qu'axeitan la nuesa provincia, con una distancia entre ellos de malpenas dous quilómetros y nos que ye raro que nun pase un ríu ou un regatu, llugar ideal xunto al que refrescase nestas fechas y echar la tardiquina ou apigazar.

Muestra el Embalse de Bárcena, en El Bierzo, una tarde de verano



Volver al puebru en branu ye una tradición arraigonada que, seique, enxamás nun dexará de caracterizar a esta estación, un momentu ideal p'alcontrase outra vuelta cona paz, formosos paisaxes, amigos, recordanzas de cuando nenos, con milentamil vivencias; sicasí, parez qu'estas temperaturas por cima de los 25 graos nun tienen muita relación conas abondosas comidas que caracterizan a la nuesa tierra, ¿acuéi? Del elevadísimu conteníu calóricu  propiu de l'alimentación tradicional de los llioneses falaremos cuando amenorguen un pouco las temperaturas porque bastante tienen que ver con ello onque non exclusivamente, agora lo que touca ye engayolase, estar conos nuesos y disfrutar del branu; sobremanera al atapecer, cuando en Llión esi "iviernu" que ye esta estación da un instante y escomencipia a correr dalgo de brisina.

Una buena opción pa los que somos mui fartones ye la barbacoa, por ello, en La Tienda Online de León entamemos pa vós cuatro lotes con productos llioneses gourmet y axeitaos pa toda fardela: Babycoa, Meriendina, Panzada y Carnamorados, todos ellos pensaos pa que nas vuesas tardes-nueites sepan a groria. En cadagunu nun faltan delicatessen llionesas cumo chourizu frescu, criollu, pinchos morunos, morciella Morvega, las prestosas hamburguesas de La Alacena de San Antonio ou'l chuletón de xata de la meyor calidá. Ou si lo que quieres ye refrescate d'un xeitu saludable, eicha un güeyu a los nuesos deliciosos lácteos esfrecíos cumo batíos, kéfir o yogures de primer calidá.

Muestra hamburguesas hechas en barbacoa


El branu pasa que vuela, disfrutái d'estos trés meses d'infiernu, que lluegu chegan los nueve llargos d'iviernu, d'ellos tamién tendremos muito que contar...

No hay comentarios:

Publicar un comentario