Menu superior

jueves, 18 de junio de 2020

Estorga sabe a dulce


Muestra'l Palaciu de Gaudití y la Catedral d'Estorga tres la sua muralla romana



Estorga ye una formosísima ciudá asitiada no corazón de la provincia de Llión, a malpenas cincuenta quilómetros al este de la capital de provincia. Las vieyas calles y requeixos d'esti guapu llugar convidan a ser caleyadas y a adevinar entre los marmullos del vientu qu'afalaga'l sou empedriáu toda la historia escrita a lo llargo de la sua milenaria existencia. Pero Estorga ye inda más qu'eso, falamos d'ún de los espacios llioneses más importantes en materia gastronómica.

Cuando pensamos n'Estorga y los sous manxares, quiciabes nel intre, y d'un xeitu más que xustificáu, pensamos no sou conocidísimu cocíu maragatu, ún de los pratos más destacaos no feixe culinariu d'esta tierra y que más visitantes achega pa probalu. Chamadeiru por ser tomáu antigual, primeiro las suas carnes (chourizu, morciellu de xata, llacón, pita, cuesta adobada) y rechenu, y darréu garbanzos y berza p'acabar cona sopa. Pero tan destacada cumo'l famosu cocíu ye la faceta de los maragatos na elaboración de dulces cumo chicolates, foyadre ou mantecaos.

Siegros de sabor a chicolate.


muestra chocolate a la taza del Arriero Maragato disponible en La Tienda Online de León



El deliciosu chicolate producíu n'Estorga cuenta con una fama más que xustificada. Si bien nun hai acuerdu con exactitú al respetive del momentu en que xurde esta tradición chicolatera, ye más que conocío que la capital maragata estuvo entre las primeras ciudades n'España en descubrir el chicolate, seique por mor de los vínculos que xurdieron entre los nobres del llugar con Hernán Cortés alredor del siegru XVI. Ye a partir del siegru XIX cuando rucha n'Estorga una bayurosa industria chicolatera, chegando a contase hasta 49 obradores nel añu 1914. Ensin duda, el meyor requeixo pa conocer el chicolate d'Estorga y tódolos sous secretos ye'l Muséu del Chicolate, au amás de facer un fondu repasu a toda esta interesantísima historia, contamos con buen material videográficu pa descubrir pasín a pasín la elaboración tradicional del productu, asina cumo probalu y mercalu nas suas más tradicionales ou sorprendentes variedades: a la tazapurucon lleite y hasta con naranxa o inclusive cecina.

Mantecadas d'Estorga, el dulce que creóu un oficiu.


muestra mantecadas de Astorga de El Arriero Maragato, disponibles en La Tienda Online de León



Puede que se trate del dulce más emblemáticu de la ciudá. Poucos son los que nun lu conocen y demasiaos los qu'inda tardan en probalu por primer vez. Elaboradas con fariña, güevos, azucre y manteiga, ingredientes senciellos y humildes pero de los que la sua máxima calidá ye fundamental pal resultáu final que s'aguarda, el sou inigualable sabor fizo que ya cuenten cono sellu IXP d'Indicación Xeográfica Protexida de la Unión Europea.

Abrir una caxa de mantecadas d'Estorga supón, en primer llugar engayolanos conos sous tonos douraos y brillantes, asina cumo chenanos del sou deliciosu arume, pero tamién descubrir el sou xeitu d'envasáu en pequeñas caxiellas, feitu que, ante la sua masiva y exitosa producción, fizo xurdir l'estorganu oficiu de las caxilleras, muyeres encargadas d'envasar esti deliciosu productu a las qu'apoucayá el conceyu homenaxióu con un formosu mural nas calles de la ciudá.

Foyadre d'Estorga, el bocáu más sabrosu.

muestra hojaldres de Astorga, disponibles en La Tienda Online de León


El foyadre ye ún de los dulces más conocíos a lo llargo de la xeografía española, pero'l d'Estorga... ye enforma diferente al conceptu más espayáu d'esti producto de repostería.
El sou abondosu bañu n'almíbar, elaboráu con augua, azucre y miel, facen del fuyadre maragatu un tiernu, sabrosísimu y sorprendente bocáu que convida a repetir a todu'l que lu lleva a la boca. Esti prestosu sabor, fruitu una vez más de la calidá de los ingredientes orixinales, asitióu tamién a esti productu camín de llograr la Indicación Xeográfica Protexida de la Unión Europea (IXP) que de xuru nun tardará en chegar a esta formosa comarca.

¿La conclusión? Qu'Estorga amerita ser visitada dende los dous puntos de vista más fundamentales que dan valor turísticu a un territoriu, el sou patrimoniu artísticu y la sua calidá culinaria. Nós hemos insistir en que la visitéis y probéis los sous manxares, pero dica entós... si lo prefieres puedes llevalos hasta la tua casa a traviés de la nuesa tienda online de productos llioneses au importa muito la calidá, y ensin productos d'Estorga... cuanto menos nunca nun será una calidá completa 😉

No hay comentarios:

Publicar un comentario